ବୃହସ୍ପତି ସଞ୍ଚାର - ୧ ମଇ ୨୦୨୪
ତୁଳା ଦି ୨ ନ କାର୍ତ୍ତିକ କୃଷ୍ଣପକ୍ଷ ତ୍ରୟୋଦଶୀ ଶନିବାର ବୃହସ୍ପତି ପୁନର୍ବସୁ କର୍କଟ ରାଶିକୁ ରାତ୍ର ୭/୪୭ ମି ସମୟରେ ସଞ୍ଚାର କରିବେ।
ମେଷ:
ମେଷ ରାଶିକୁ ବୃହସ୍ପତି ସଞ୍ଚାର ସମୟରେ ଚନ୍ଦ୍ର ତୁଳା ରାଶିରେ ଗୋଚର କରିବେ। ଲଗ୍ନାଧିପତି ମଙ୍ଗଳ ୭ ମ ଭାବରେ ତୁଳା ରାଶିରେ ଗୋଚର କରିବେ। ରାଶିରେ ଶନିଙ୍କ ଅଶୁଭ ପ୍ରଭାବ ସହିତ ବୃହସ୍ପତି ଗୋଚରରେ ୪ର୍ଥ ସ୍ଥାନରେ ଅଶୁଭ ଫଳ ପ୍ରଦାନ କରିବେ। ଯାନବାହାନରେ କ୍ଷତି , ଭୂମି ବାବଦରେ କଳହ,କୋଟ କଚେରୀ ସମସ୍ଯା, ଗୃହ ବିବାଦ ପରି ସମସ୍ଯା ଦେଖାଦେବ। ବିବାହିତ ଲୋକଙ୍କ ପାଇଁ ଅଶୁଭ ଫଳ କମ ହୋଇବ। ବ୍ରାହ୍ମଣ ବ୍ଯତୀତ ଅନ୍ୟ ଜାତିର ବ୍ୟକ୍ତିଙ୍କ ପାଇଁ ଅଶୁଭ ଫଳ କମ ହୋଇବ। ରାଶିରେ ବୃହସ୍ପତି ଉଚ୍ଚରେ ଥିଲେ ଭୂମି ଲାଭ ହୋଇପାରେ।
ବୃଷ:
ବୃଷ ରାଶିକୁ ବୃହସ୍ପତି ଚଳନ ସମୟରେ ଲଗ୍ନାଧିପତି ପଞ୍ଚମରେ ଓ ଚନ୍ଦ୍ର ଷଷ୍ଠ ଭାବରେ ଗୋଚର କରିବେ। ଚନ୍ଦ୍ର ଅଶୁଭ। ବୃହସ୍ପତି ବୃଷ ରାଶିକୁ ଅଶୁଭ ହେଉଥିବାରୁ ବନ୍ଧୁ ବର୍ଗଙ୍କ ଉପରେ ପ୍ରଭାବ ବିସ୍ତାର କରିବାକୁ ଯାଇ ଅପମାନିତ ହୋଇବେ। ବନ୍ଧନ ଭୟ ରହିଛି। କଷ୍ଟ ଭୋଗ କରିବେ। ବନ୍ଧୁ ବର୍ଗ ମାନେ ବାଦ ହିଂସା କରିବେ। ଯଦି ରାଶି ଚକ୍ରରେ ବୃହସ୍ପତି ଉଚ୍ଚସ୍ଥ ଥାଆନ୍ତି ତେବେ ଅଶୁଭ ଫଳ କମ ହୋଇବ।
ମିଥୁନ:
ମିଥୁନ ରାଶିରେ ବୃହସ୍ପତି ଚଳନ ସମୟରେ ଲଗ୍ନାଧିପତି ବୁଧ ତୁଳା ରାଶି କାରକ ସ୍ଥାନରେ ରହିବେ। ଚନ୍ଦ୍ର ତୁଳା ରାଶିରେ ଥାଇ କାର୍ଯ୍ୟ ସିଦ୍ଧିର ସୂଚନା ଦେଉଥିବା ସମୟରେ ବୃହସ୍ପତି ଶୁଭ ଭାବରେ ୨ୟ ଭାବ କର୍କଟ ରାଶିକୁ ସଞ୍ଚାର ଅତ୍ୟନ୍ତ ଶୁଭ ଫଳ ପ୍ରଦାନ କରିବେ। ଧନର ବୃଦ୍ଧି ହୋଇବ। ନେତ୍ରରେ ଉଜ୍ଜଳତା ଦେଖାଦେବ। ମନ ସୁସ୍ଥ ରହିବ। କୁଟୁମ୍ବରେ ପ୍ରଶଂସା ଲାଭ କରିବେ। ଭୂମି କିଣି ପାରନ୍ତି। ନୂତନ ଗୃହ ନିର୍ମାଣ ପାଇଁ ପ୍ରସ୍ତୁତି କରିପାରନ୍ତି।
କର୍କଟ:
ବୃହସ୍ପତି ଚଳନ ସମୟରେ ଚନ୍ଦ୍ର କର୍କଟ ରାଶିରେ ଗୋଚର କରିବେ। ଲଗ୍ନାଧିପତି ଶୁଭ ଭାବରେ ଥିବାରୁ ଏବଂ ବୃହସ୍ପତି ଜନ୍ମ ସ୍ଥାନରେ ଅଶୁଭ ହେଉଥିବାରୁ ସମଫଳ ପ୍ରଦାନ କରିବେ। ଲଗ୍ନକୁ ବୃହସ୍ପତି ଉଚ୍ଚସ୍ଥ ହେଲେ ମଧ୍ୟ ଲଗ୍ନରେ ସ୍ଥାନ ନାଶ କରାଇବେ।ସମ୍ମାନରେ ବାଧା ଆସିବ। ସ୍ଥାନନ୍ତରଣ ହୋଇପାରନ୍ତି। ମୁଖର ତେଜରେ ପାର୍ଥକ୍ୟ ଆସିବ। ଈର୍ଷା ପ୍ରବୃତ୍ତି ବୃଦ୍ଧି ହୋଇବ। ଚରିତ୍ରରେ ଅସମାନତା ଦେଖାଦେବ। ଅହିତକର ଖାଦ୍ୟ ଗ୍ରହଣ କରିପାରନ୍ତି।
ସିଂହ:
ବୃହସ୍ପତି ଚଳନ ସମୟରେ ଲଗ୍ନାଧିପତି ରବି ୩ୟ ଭାବରେ ନିଚ୍ଚସ୍ଥ ଅବସ୍ଥାରେ ଗୋଚର କରିବେ। ରବି ତୁଳା ରାଶିରେ ୨୦ ଅଂଶ ନୀଚ। ସିଂହ ରାଶିକୁ ଚଳନ ସମୟରେ ବୃହସ୍ପତି ଅଶୁଭ ଫଳ ପ୍ରଦାନ କରିବେ। ଚଳନ ସମୟରେ ଚନ୍ଦ୍ର ଅଶୁଭ ଥିବାରୁ ବୃହସ୍ପତି ସଂପୂର୍ଣ୍ଣ ଅଶୁଭ ଫଳ ପ୍ରଦାନ କରିବେ। ୧୨ ଶ ଭାବରେ ଅଶୁଭସ୍ଥ ବୃହସ୍ପତି ବିଶେଷ ଭାବରେ ସ୍ୱାସ୍ଥ୍ୟ ଦିଗରେ ଅଶୁଭ ଫଳ ପ୍ରଦାନ କରିବେ। ଭୂମି, ଗୃହ ଆଦି ଦିଗରେ ଅର୍ଥ ବ୍ୟୟ, ସ୍ୱାସ୍ଥ୍ୟ ପାଇଁ ଅର୍ଥ ବ୍ୟୟ, ପାରିବାରିକ ଅଶାନ୍ତି ଦେଖାଦେବ।
କନ୍ୟା:
ବୃହସ୍ପତି ଚଳନ ସମୟରେ ଲଗ୍ନାଧିପତି ବୁଧ ୨ୟ ଭାବରେ ଗୋଚର କରିବେ। ବୃହସ୍ପତି କନ୍ୟା ରାଶିକୁ ୧୧ଶ ଭାବ, କର୍କଟ ରାଶିକୁ ଶୁଭ ଭାବରେ ଗୋଚର କରିବେ। ବୃହସ୍ପତି ଚଳନ ସମୟରେ ଚନ୍ଦ୍ର ଶୁଭ ଥିବାରୁ ବୃହସ୍ପତି ସଂପୂର୍ଣ୍ଣ ଶୁଭ ଫଳ ପ୍ରଦାନ କରିବେ। ବିଭିନ୍ନ ଦିଗରୁ ଆୟର ବାଟ ଖୋଲିବ। ଭୂମି କିଣା ବିକାରୁ ଲାଭବାନ ହୋଇପାରନ୍ତି। ଯାନ କିଣିବାର ସୁଯୋଗ ପ୍ରାପ୍ତି ହୋଇପାରେ।
ତୁଳା:
ବୃହସ୍ପତି ଚଳନ ସମୟରେ ଲଗ୍ନାଧିପତି ୧୨ଶ ଗୃହରେ ଗୋଚର କରିବେ। ଏ ଚଳନରେ ତୁଳା ରାଶିକୁ ବୃହସ୍ପତି ୧୦ମ ଭାବରେ ଅଶୁଭ। ମାତ୍ର ଚଳନ ସମୟରେ ଚନ୍ଦ୍ର ତୁଳା ରାଶିରେ ଶୁଭ ହେଉଥିବାରୁ ବୃହସ୍ପତି ତୁଳା ରାଶିକୁ ମଧ୍ୟମ ବା ସମଫଳ ପ୍ରଦାନ କରିବେ। କେତେକ ନିର୍ଣ୍ଣାୟକ ସ୍ଥିତି ବୁଦ୍ଧିର ବିଚାର ଭୁଲ ହୋଇବ। ପରିବାର, ସ୍ତ୍ରୀ, ପ୍ରେମିକା ଙ୍କର ମୋହରେ ପଡି କର୍ମ ନାଶ ହୋଇପାରେ। ବ୍ୟବସାୟରେ ହାନୀ, ପିତ୍ତୃଙ୍କର ପାଇଁ ଅର୍ଥ ବ୍ୟୟ।
ବିଛା:
ବୃହସ୍ପତି ଚଳନ ସମୟରେ ବିଛା ରାଶିର ଲଗ୍ନାଧିପତି ତୁଳା ରାଶି ୧୨ଶ ଭାବରେ ଗୋଚରରେ ରହିଥିବେ। ବୃହସ୍ପତି ବିଛା ରାଶିକୁ ଶୁଭ ଭାବରେ ସଞ୍ଚାର ହେଉଥିବା ବେଳେ ଚନ୍ଦ୍ର ତୁଳା ରାଶିରେ ଶୁଭ ଭାବରେ ଗୋଚର କରିବେ। ତେଣୁ ବୃହସ୍ପତି ବିଛା ରାଶିକୁ ସଂପୂର୍ଣ୍ଣ ଶୁଭ ଫଳ ପ୍ରଦାନ କରିବେ। ବିଭିନ୍ନ ଦିଗରୁ ଅର୍ଥ ଲାଭ ହୋଇବ। ଧର୍ମ କାର୍ଯ୍ୟରେ ମନଯୋଗ ଦେବେ। ତୀର୍ଥ ଭ୍ରମଣରେ ଯାଇପାରନ୍ତି। ସନ୍ତାନ ଲାଭ ହୋଇପାରେ। ଭାଗ୍ୟ ସମସ୍ତ କର୍ମରେ ପୂର୍ଣ୍ଣ ସହଯୋଗ ପ୍ରଦାନ କରିବ। କର୍ମ କ୍ଷେତରେ ପଦୋନ୍ନତିର ଯୋଗ ରହିଛି।
ଧନୁ:
ବୃହସ୍ପତି ଚଳନରେ ଧନୁ ରାଶିକୁ ୮ମ ଭାବ କର୍କଟ ରାଶିକୁ ସଞ୍ଚାର କରିବେ। ବୃହସ୍ପତି ଚଳନରେ ଧନୁ ରାଶିକୁ ଅଶୁଭ ଥିଲାବେଳେ ଚନ୍ଦ୍ର ତୁଳା ରାଶିରେ ଅଶୁଭ ହୋଇବେ। ତେଣୁ ଏ ଚଳନରେ ବୃହସ୍ପତି ଧନୁ ରାଶିକୁ ସଂପୂର୍ଣ୍ଣ ଅଶୁଭ ଫଳ ପ୍ରଦାନ କରିବେ। ସ୍ଵାସ୍ଥ୍ୟଗତ ସମସ୍ଯା ଦେଖାଦେବ। ଖାଦ୍ୟ ପେୟରେ ସତର୍କତା ନିତ୍ୟାନ୍ତ ଆବଶ୍ୟକ ହୋଇବ। ପ୍ରତିଦିନ କିଛି ଦେବ କାର୍ଯ୍ୟ କରିବା ଧନୁ ରାଶି ପକ୍ଷେ ନିତ୍ୟାନ୍ତ ଆବଶ୍ୟକ।
ମକର:
ବୃହସ୍ପତି ଚଳନ ସମୟରେ ଲଗ୍ନାଧିପତି ବୃହସ୍ପତିଙ୍କ ଗୃହରେ ଗୋଚରରେ ଥିବେ। ବୃହସ୍ପତି ମକର ରାଶି ଠାରୁ ୭ମ ଭାବକୁ ଶୁଭ ଭାବରେ ଚଳନ କରିବେ। ଚନ୍ଦ୍ର ତୁଳା ରାଶିରେ ଶୁଭ ଭାବରେ ଗୋଚର କରୁଥିବାରୁ ବୃହସ୍ପତି ମକର ରାଶିକୁ ସଂପୂର୍ଣ୍ଣ ଶୁଭ ଫଳ ପ୍ରଦାନ କରିବେ। ଫଳରେ ବିପୁଳ ଲକ୍ଷ୍ମୀ ପ୍ରାପ୍ତିର ଯୋଗ ହୋଇଅଛି। ବିବାହ ବୟସ ହୋଇଥିବା ଲୋକଙ୍କ ପାଇଁ ବିବାହର ସୁଯୋଗ ଆସିବ। ପାରିବାରିକ ସୁଖ ଲାଭ ହୋଇବ।
କୁମ୍ଭ:
ବୃହସ୍ପତି ଚଳନରେ ଲଗ୍ନାଧିପତି ଶନି ୨ୟ ଭାବ ମୀନ ରାଶିରେ ଗୋଚରରେ ଥିବା ସମୟରେ ବୃହସ୍ପତି କର୍କଟ ରାଶିକୁ ସଞ୍ଚାର କରିବେ। ବୃହସ୍ପତି ସଞ୍ଚାରରେ କୁମ୍ଭ ରାଶିକୁ ଅଶୁଭ। ଚଳନ ସମୟରେ କୁମ୍ଭ ରାଶିକୁ ଚନ୍ଦ୍ର ଶୁଭ। ତେଣୁ ବୃହସ୍ପତି କୁମ୍ଭ ରାଶିକୁ ସମଫଳ ପ୍ରଦାନ କରିବେ। ବୃହସ୍ପତି ରିପୁ ସ୍ଥାନରେ ଥିବାରୁ ଶାରୀରିକ କଷ୍ଟ, ବିଭିନ୍ନ ଦିଗରୁ ଅପମାନ, ମାନସିକ ଦୁଃଖ ଭୋଗର ସମ୍ଭାବନା ରହିଛି। ଗୃହ ଓ ଭୂମିକୁ କେନ୍ଦ୍ର କରି ଶତ୍ରୁ ବୃଦ୍ଧି ହୋଇବେ।
ମୀନ:
ବୃହସ୍ପତି ଚଳନ ସମୟରେ ମୀନ ରାଶିକୁ ୭ମ ଭାବ କର୍କଟ ରାଶିକୁ ଚଳନ ହୋଇବେ। ପଞ୍ଚମ ବୃହସ୍ପତି ମୀନ ରାଶିକୁ ଶୁଭ। ବୃହସ୍ପତି ଚଳନ ସମୟରେ ଚନ୍ଦ୍ର ତୁଳା ରାଶିରେ ମୀନ ରାଶିକୁ ଶୁଭ ଥିବାରୁ ବୃହସ୍ପତି ମୀନ ରାଶିକୁ ଶୁଭ ଫଳ ପ୍ରଦାନ କରିବେ। ପଢାପଢିରେ ଆଗ୍ରହ ବୃଦ୍ଧି ହୋଇବ। ଚାକିରୀ କ୍ଷେତ୍ରରେ ପଦୋନ୍ନତିର ସମ୍ଭାବନା ରହିଛି। ସନ୍ତାନ ଦିଗରେ ଶୁଭ।
ପ୍ରତିକାର:
- ଦୈନିକ ଶିବ ମନ୍ଦିରରେ ୨୧ ଦିନ ଦର୍ଶନ କରିବ।
- ବ୍ରାହ୍ମଣକୁ ଗୃହକୁ ଡାକି ଭୋଜନ ଓ ଦକ୍ଷିଣା ଦେବେ।
- ଗୁରୁଜନ ମାନଙ୍କୁ ପ୍ରଣାମ କରିବେ।
- ଓସ୍ତ ଗଛ ମୂଳରେ ଦୈନିକ ପାଣି ଦେବେ।
- ସ୍ନାନ ପରେ ମୁଣ୍ଡରେ ହଳଦୀ ଟିପା ୪୩ ଦିନ ଲଗାଇବ କିମ୍ବା ୫ ରତୀର ପୋଖରାଜ ରତ୍ନ ମୁଦିରେ ସେଟ କରି ଦକ୍ଷିଣ ହସ୍ତରେ ଧାରଣ କରିବ।